“XƏZƏR-LƏNKƏRAN” AĞASƏLİM MİRCAVADOVLA İKİLLİK MÜQAVİLƏ İMZALADI
AZƏRTAC xəbər verir ki, Azərbaycanın XIV milli futbol çempionatını ukraynalı Viktor Pasulkonun rəhbərliyi ilə 7-ci yerdə başa vurmuş “Xəzər - Lənkəran” klubuna yeni baş məşqçi təyin olunmuşdur. Artıq növbəti mövsümdən komandanı Ağasəlim Mircavadov çalışdıracaqdır. Təcrübəli mütəxəssislə ikillik müqavilə imzalanmışdır.
İyunun 7-də keçirilən mətbuat konfransında klubun icraçı direktoru Tuyqun Nadirov Viktor Pasulkonun nizam–intizam qaydalarını pozduğu üçün istefaya göndərildiyini bildirmişdir.
Ağasəlim Mircavadova məşqçilər Samir Ələkbərov, Tofiq Mustafayev, Nizami Sadıxov və Bəxtiyar Musayev kömək edəcəklər.
Bölmənin digər xəbərləri
