Xəzərin sahilində təmizlik aksiyası
Bakı, 22 iyun, AZƏRTAC
Bakı Şəhəri üzrə Təhsil İdarəsinin (BŞTİ) “Təhsil müəssisələrində tərbiyə işinin təkmilləşdirilməsi ilə əlaqədar 2015-ci il üçün Fəaliyyət Planı”nda nəzərdə tutulan tədbirlərin həyata keçirilməsi davam etdirilir.
BŞTİ-dən AZƏRTAC-a bildiriblər ki, bu qurumun təşkilati dəstəyi ilə 43 nömrəli Şagirdlərin Ekoloji Tərbiyə və Təcrübəçilik Mərkəzi Xəzər rayonunun Şüvəlan qəsəbəsindəki çimərlikdə təmizlik aksiyası keçirib.
Əhalinin ekoloji maariflənməsi, gənclərin asudə vaxtlarının mənalı təşkili, mənəvi saflığının, sağlam həyat tərzinin, zərərli vərdişlərdən uzaqlaşdırılmasının təmin olunması məqsədilə keçirilən təmizlik aksiyasında pedaqoji işçilər və dərnək üzvləri iştirak ediblər. Xüsusi nəqliyyat və geyimlə təmin olunan aksiyaçılar Xəzər sahili boyu Şüvəlan qəsəbəsindəki çimərlik ərazisini məişət tullantılarından təmizləyiblər.
Bölmənin digər xəbərləri
