“XOCALI FACİƏSİ GƏNC RƏSSAMLARIN GÖZÜ İLƏ” ADLI SƏRGİ AÇILMIŞDIR
Sərgidə Azərbaycan Dövlət Rəssamlıq Akademiyasının nəzdindəki Əzim Əzimzadə adına İncəsənət Kollecinin 30 tələbəsinin həmin hadisələrin ayrı-ayrı məqamlarını əks etdirən qrafika, boyakarlıq və heykəltəraşlıq janrlarında 35 işi nümayiş olunur.
Muzeyin direktoru Şəmsi Fəridə, Azərbaycan Milli Elmlər Akademiyasının A.Bakıxanov adına Tarix İnstitutu direktorunun müavini Cəbi Bəhramov, Mədəniyyət və Turizm Nazirliyinin sektor müdiri Azadə Hüseynova və başqaları 1992-ci il fevralın 25-dən 26-na keçən gecə erməni faşistlərinin torətdiyi qanlı faciənin unudulmaması üçün belə sərgilərin əhəmiyyətindən danışmışlar.
Tədbirdə muzeyin təşəbbüsü ilə Xətai rayonu məktəblərinin yuxarı sinif şagirdləri arasında Xocalı faciəsinə həsr edilmiş inşa yazı müsabiqəsinin qaliblərinə diplom və hədiyyələr təqdim olunmuşdur.
Sərgi fevralın axırınadək davam edəcəkdir.
Bölmənin digər xəbərləri
