“XOCALI SOYQIRIMI” ADLI TƏDBİR KEÇİRİLMİŞDİR
Əvvəlcə, Xocalı qurbanlarının, Qarabağ müharibəsi şəhidlərinin xatirəsi bir dəqiqəlik sükutla yad edilmişdir.
“Xocalı facıəsi” adlı sərgidə 200-dən artıq kitab, qəzet və jurnal materialları nümayiş olunur. Onların arasında Azərbaycanda Vətəndaş Cəmiyyətinin İnkişafına yardım Assosiasiyasının prezidenti Elxan Süleymanovun bu günlərdə işıq üzü görən “Xocalı soyqırımı” (materiallar Azərbaycan, rus, ingilis dillərində verilmişdir), Akif Aşırlının “Türkün Xocalı soyqırımı”, xalq yazıçısı Anarın “Şəhidlər dağı” və sair kitablar diqqəti daha çox cəlb edir.
Mədəniyyət və turizm nazirinin müavini Sevda Məmmədəliyeva, kitabxananın direktoru Kərim Tahirov, Mədəniyyət və Turizm Nazirliyinin şöbə müdiri, şair Çingiz Əlioğlu və başqaları tədbirdə çıxış edərək Xocalı soyqırımını XX əsrin ən böyük faciələrindən biri olduğunu diqqətə çatdırdılar. Vurğulandı ki, erməni faşistlərinin törətdikləri bu qırğın nəsilbənəsil Azərbaycan xalqının hafizəsində yaşayacaq, onun qan yaddaşına çevriləcəkdir.
Tədbirdə Xocalı faciəsinə həsr edilmiş şeirlər səslənmişdir.
Sərgi fevralın 28-dək davam edəcəkdir.
Bölmənin digər xəbərləri
