XOCALI SOYQIRIMI QURBANLARININ XATİRƏSİ YAD EDİLDİ
Fevralın 25-də rayon ictimaiyyəti nümayəndələrinin faciənin ildönümünə həsr edilmiş toplantısında “Xocalı faciəsi bəşəriyyətə qarşı ən ağır cinayətdir” mövzusunda məruzə dinlənilmişdir. Xocalı sakini Əmrah Məmmədov, məcburi köçkün Elbrus Abbasov və başqaları miqyasına və dəhşətlərinə görə analoqu olmayan bu terror aktını erməni faşizminin təkcə azərbaycanlılara deyil, habelə bütün bəşəriyyətə qarşı törətdiyi ağır cinayət kimi səciyyələndirmişlər. Xocalı faciəsinə əsil hüquqi-siyasi qiymətin yalnız xalqımızın böyük oğlu, ulu öndərimiz Heydər Əliyevin hakimiyyətə qayıdışından sonra verildiyi, Azərbaycan Prezidenti İlham Əliyevin torpaqlarımızın işğalçılardan azad edilməsi, xocalılıların, məcburi köçkün və qaçqınların doğma torpaqlarına qaytarılması üçün bütün imkanlardan, diplomatik səylərdən məharətlə istifadə etdiyi vurğulanmışdır. Ölkə başçısının bu yorulmaz səyləri xalqımızın ən ağrılı probleminin tezliklə həll ediləcəyinə heç kimdə şübhə yeri qoymur.
Toplantıda Xocalı soyqırımı ilə əlaqədar rayon ictimaiyyəti nümayəndələri adından beynəlxalq təşkilatlara müraciət qəbul olunmuşdur.
Bölmənin digər xəbərləri
