XÜSUSİ BURAXILIŞ ÇAP OLUNMUŞDUR
Mayın 24-də Tofiq Bəhramov adına Respublika stadionunda “Xəzər-Lənkəran” və “İnter” komandaları arasında Azərbaycan Kuboku uğrunda final oyunu keçiriləcəkdir.
AZƏRTAC AFFA-ya istinadən xəbər verir ki, qurum tərəfindən final oyununa həsr olunmuş “Futbol dünyası” qəzetinin xüsusi buraxılışı çapdan çıxmışdır. Nəfis tərtibatlı buraxılışda ölkə kuboku uğrunda yarışın indiyə qədər keçirilmiş bütün final oyunlarının nəticələri qeyd olunmuşdur. Cari mövsümdə finala yüksəlmiş hər iki komandanın ötən illərdə kubok yarışında bir-birilərinə qarşı keçirdiyi oyunların, eləcə də Premyer Liqa çərçivəsindəki matçlarının nəticələri buraxılışda öz əksini tapmışdır.
Xüsusi buraxılışın son səhifələrində 2010-cu ildə keçiriləcək dünya çemponatının seçmə mərhələsində Azərbaycan milli komandasının çıxış edəcəyi qrupun oyunlarının, eləcə də bu il Avstriya və İsveçrədə keçiriləcək Avropa çempionatının təqvimi dərc edilmişdir.
######
Bölmənin digər xəbərləri
