XVIII DÜNYA FUTBOL ÇEMPİONATI BAŞLADI
Almaniyanın prezidenti Horst Köler iştirakçıları və stadiona toplaşmış çoxsaylı azarkeşləri salamlayaraq, yarışları açıq elan etdi. Yüksək təhlükəsizlik şəraitində keçən mərasimdə futbol kralı Pele və tanınmış model Klaudiya Şiffer dünya kubokunu meydançaya gətirərək azarkeşlərə nümayiş etdirdilər.
İyulun 9-dək davam edəcək çempionat, Almaniyanın 12 şəhərində keçiriləcəkdir. Yarışda 32 komanda 8 qrupda mübarizə aparır.
Təntənəli açılış mərasimindən sonra, A qrupunda yer alan Almaniya və Kosta-Rika komandaları arasında görüş olmuşdur. Hər iki komandanın hücumları şəraitində keçən oyun meydan sahiblərinin 4:2 hesablı qələbəsi ilə başa çatmışdır.
Bölmənin digər xəbərləri
