YANVAR FACİƏSİNİN 19-CU İLDÖNÜMÜNƏ HƏSR EDİLMİŞ İNTERNET-AKSİYA KEÇİRİLMİDİR

19.01.2009 [21:27]
Çap et
A⁺ A^-

Bakı, 19 yanvar (AZƏRTAC). 1990-cı il 20 Yanvar faciəsinin növbəti ildönümü ərəfəsində dünya üzrə 10 mindən çox ünvana bu faciə haqqında elektron məktublar göndərilmişdir. Aksiyanın təşkilatçısı, Bakı şəhər Gənclər və İdman baş idarəsinin rəisi Raqif Abbasovun sözlərinə görə, beynəlxalq təşkilatlara, səfirliklərə, ayrı-ayrı vətəndaşlara, hüquq müdafiə təşkilatlarına göndərilmiş məktubların mətnində sovet qoşunlarının Bakıya soxulduğu dövrdə dinc əhaliyə qarşı törədilmiş vəhşilik faktları qeyd edilir, Azərbaycan xalqının müstəqillik və ölkənin ərazi bütövlüyü uğrunda mübarizəsinin ədalətli mübarizə olması vurğulanır.

Aksiyada tələbələr və məktəblilər, qeyri-hökumət gənclər təşkilatlarının üzvləri, idmançılar iştirak etmişlər.

Təşkilatçıların sözlərinə görə, fevralın 25-də, Azərbaycan tarixinin daha bir faciəli günü - Xocalı soyqırımının ildönümü ərəfəsində də buna oxşar aksiya keçiriləcəkdir. Xatırladaq ki, 1992-ci il fevralın 26-da erməni silahlı dəstələri miqyası və qəddarlığına görə misli görünməmiş faciə törətmişlər - Azərbaycanın Xocalı şəhərinin sakinləri, demək olar ki, bütünlüklə məhv edilmişdir.

YANVAR FACİƏSİNİN 19-CU İLDÖNÜMÜNƏ HƏSR EDİLMİŞ İNTERNET-AKSİYA KEÇİRİLMİDİR

MÜƏLLİFLƏ ƏLAQƏ

Bölmənin digər xəbərləri