Yardımlıda pərakəndə ticarət dövriyyəsi 45807,5 min manata çatıb
Yardımlı, 1 avqust, İlkin Adıyev, AZƏRTAC
Cari ilin yanvar-iyun aylarında Yardımlı rayonunda pərakəndə ticarət şəbəkəsində istehlakçılara 45807,5 min manatlıq, o cümlədən 22555,7 min manatlıq ərzaq məhsulları, içkilər və tütün məmulatları, 23251,8 min manatlıq qeyri-ərzaq malları satılıb.
Bu barədə AZƏRTAC-ın bölgə müxbirinə Yardımlı Rayon Statistika İdarəsindən məlumat verilib.
Bildirilib ki, 2022-ci ilin yanvar-iyun ayları ilə müqayisədə pərakəndə ticarət dövriyyəsi real ifadədə 7,9 faiz artıb.
2022-ci ilin yanvar-iyun ayları ilə müqayisədə 2023-cü ilin yanvar-iyun aylarında pərakəndə ticarət dövriyyəsi real ifadədə müəssisələr üzrə 2,9 dəfə azalıb, fərdi sahibkarlar üzrə isə 29,9 faiz artmışdır. Hesabat dövründə pərakəndə ticarət şəbəkəsində mal ehtiyatlarının qalığı 3390,7 min manat artaraq 10596,1 min manat olub.
Bölmənin digər xəbərləri
