Yay məktəbi davam edir: Qiymətləndirmənin və dəyərləndirmənin insan həyatında rolu
Bakı, 21 iyul, AZƏRTAC
Paytaxtdakı ümumi təhsil müəssisələrində valideynlər üçün növbəti yay məktəbi təşəbbüsünə 32 nömrəli tam orta məktəb də qoşulub. Bakı Şəhəri üzrə Təhsil İdarəsinin (BŞTİ) təşəbbüsü ilə keçirilən yay məktəbinin budəfəki təlimi də maraqlı mövzular və əyləncəli proqramlarla zəngin olub.
Bu barədə AZƏRTAC-a BŞTİ-dən məlumat verilib. Bildirilib ki, BŞTİ-nin Təhsilin keyfiyyətinə nəzarət sektorunun müdiri Anar Mustafazadə və Məktəbdənkənar fəaliyyətlərin təşkili sektorunun müdiri Günay Qurbanova “Qiymətləndirmənin və dəyərləndirmənin insan həyatında rolu” mövzusunda valideynlərlə fikir mübadiləsi apararaq maraq doğuran məsələlərə aydınlıq gətirib, onların suallarını cavablandırıblar.
Təşkil olunan intellektual-əyləncəli oyunlar da valideynlər tərəfindən maraqla qarşılanıb.
Qeyd edək ki, sonda iştirakçılara sertifikatlar təqdim olunacaq. Yay məktəbinin keçirilməsində əsas məqsəd uşaqlarla yaş dövrünə uyğun davranışla bağlı valideynləri maarifləndirmək, şagirdlərin təhsil nailiyyətlərinin artırılması baxımından məktəb-valideyn əməkdaşlığını müzakirə etmək, yeni tədris ilində qarşıya qoyulan hədəflərlə bağlı valideynləri məlumatlandırmaq, həmçinin məktəb-valideyn münasibətlərini təkmilləşdirmək, məktəbdaxili proseslərə valideynlərin cəlb olunmasına dair fikir mübadiləsi aparmaq, effektiv məktəb mühitini formalaşdırmaq və məktəbin nüfuzunun artırılmasına nail olmaqdan ibarətdir.
Bölmənin digər xəbərləri
