YƏHUDİLƏR MAYKL CEKSONDAN ÜZR İSTƏMƏSİNİ TƏLƏB EDİRLƏR
BML-in mətbuat üçün məlumatında müğənninin biznes tərəfdaşlarından birinə ünvanlanmış cavabından sitatlar gətirilir. Cekson deyir: “Onlar zəli kimi qan sovururlar... Mən bundan lap təngə gəlmişəm... Bu qəsddir. Yəhudilər qəsdən belə edirlər”.
BML-in başçısı Abraham Foksman xatırlatmışdır ki, bundan əvvəl müğənni “Onlar bizim qeydimizə qalmırlar” mahnısından antisemit sətirləri çıxarmışdır. Doğrudur, buna görə üzr istəmişdir. Lakin BML başçısının fikrincə, indiki hadisə göstərir ki, mügənni keçmiş səhvlərindən nəticə çıxarmamışdır.
BML başçısı bildirmişdir: “Cekson etiraf etməlidir ki, dediyi sözlər zərərli və nifrətlə doludur. O, bütün yəhudilərdən, xüsusən də ona pərəstiş edənlərdən üzr istəməlidir”.
Bölmənin digər xəbərləri
