YENİ TƏDQİQAT ÜSULU İLƏ 3 GÖMÜLMÜŞ PALÇIQ VULKANI AŞKARLANMIŞDIR
İnstitutun palçıq vulkanizmi şöbəsinin müdiri, geologiya-mineralogiya elmləri doktoru Adil Əliyevin verdiyi məlumata görə şöbənin alimləri bu tədqiqat metodunu 3 ildir ki, öyrənir və bu günlərdə uğurlu nəticələr əldə etmişlər. Onlar bu üsulun köməkliyi ilə Abşeronun cənub-qərbində “Sulutəpə”, “Qazanağıl”, Bakı-Salyan magistral yolunun 110-cu kilometrliyində “Quşqaya” gömülmüş palçıq vulkanlarını aşkarlamışlar.
Xatırladaq ki, palçıq vulkanları neft-qaz yataqları ilə sıx bağlıdır. Ölkəmizdə aşkar olunmuş neft və qaz yataqlarının 90 faizindən çoxu palçıq vulkanları ilə əlaqəlidir. Çox güman ki, gömülmüş palçıq vulkanları həmin ərazinin neft və qaz baxımından perspektivli olduğuna işarədir.
Bölmənin digər xəbərləri
