YENİYETMƏ FUTBOLÇULAR YOXLAMA OYUNUNDA QƏLƏBƏ QAZANMIŞLAR
İyunun 17-dən 21-dək Moldovada keçiriləcək beynəlxalq turnirdə iştirak edəcək Azərbaycanın 17 yaşadək (U-17) futbolçulardan ibarət yığma komandası yoxlama oyununda qüvvəsini sınamışdır. AFFA-dan AZƏRTAC-a bildirmişlər ki, MOİK-lə qarşılaşan U-17 3:1 hesabı ilə qalib gəlmişdir.
U-17 növbəti yoxlama oyununu iyunun 12-də “Qarabağ-2” komandasına qarşı keçirəcəkdir.
Qeyd edək ki, yığmanın heyətində dəyişiklik edilmişdir. Məhəmməd Qurbanov zədəli olduğundan, onun əvəzinə “Azəri” klubundan Rəhman Hacıyev komandanın heyətinə cəlb edilmişdir.
Bölmənin digər xəbərləri
