YERLİ İSTEHSALIN GENİŞLƏNDİRİLMƏSİNİN HÜQUQİ BAZASI YARADILIR
Milli Məclisdə ən mühüm iqtisadi sənədlərdən biri - “Yerli istehsalın stimullaşdırılması haqqında” qanun hazırlanır.
Parlamentin iqtisadi siyasət daimi komissiyasının sədri Səttar Səfərovun fikrincə, həmin qanun yeni iş yerlərinin açılması yolu ilə yoxsulluğun azaldılmasına və bütövlükdə ölkəmizin iqtisadi qüdrətinin artmasına kömək edəcəkdir. Layihədə yerli sahibkarlar üçün əlverişli şərait yaradılması, habelə vergi və gömrük qanunvericiliyini təkmilləşdirmək yolu ilə yerli istehsalçıların mənafelərinin müdafiə edilməsi nəzərdə tutulmuşdur.
Gözlənilir ki, layihə bir neçə daimi komissiyada baxıldıqdan sonra yaz sessiyası dövründə Milli Məclisin ümumi iclasında müzakirəyə çıxarılacaqdır.
Səttar Səfərov onu da bildirmişdir ki, ölkədə iri istehsal obyektlərinin - Ələtdə və Gəncədə avtomobil zavodlarının tikintisi sahəsində fəal iş gedir. Tikintisi başa çatdıqdan sonra Gəncə zavodu 1,2-2 tonluq yük avtomobilləri buraxacaqdır.
Bölmənin digər xəbərləri
