Yığmanın üzvü: Azərbaycanı Olimpiadada təmsil etmək şərəf olar
Bakı, 24 mart, AZƏRTAC
"Azərbaycanı Olimpiadada təmsil etmək şərəf olar".
Bu sözləri AZƏRTAC-a açıqlamasında qadın basketbolçulardan ibarət 3x3 Azərbaycan millisinin üzvü Mersedes Volker yığmanın “Paris-2024” Yay Olimpiya Oyunları üçün mübarizə aparacağı təsnifat oyunları barədə danışarkən deyib.
38 yaşlı basketbolçu onları qarşıda çətin sınaq gözlədiyini bildirib: "İlk təsnifat oyunlarımız Honq-Konqda baş tutacaq. Burada Monqolustan, Çili və Niderland yığmaları ilə üz-üzə gələcəyik. Hazırda rəqiblərin güclü və zəif cəhətlərini analiz edirik. Çox yaxşı oyunçularımız var. Komandaya inanıram".
O, bütün komandalara qalib gəlmək şanslarının olduğunu söyləyib: "Bütün rəqiblərə ciddi yanaşmalıyıq. Hər kəs Parisə yollanmaq istəyir. Birlik göstərə bilsək, olimpiadaya vəsiqə qazana bilərik. Hər şey öz əlimizdədir".
Qeyd edək ki, ilk təsnifat oyunları aprelin 12-14-də keçiriləcək. Səkkiz komanda arasında təşkil olunacaq ilk təsnifat matçlarında Azərbaycan millisi çempion olarsa, olimpiadaya vəsiqəni təmin edəcək və artıq ikinci təsnifat oyunlarında iştirak etməyəcək.
Bölmənin digər xəbərləri
