YOZEF BLATTER: BİZ AZƏRBAYCANLA ƏMƏKDAŞLIĞIMIZI DAVAM ETDİRƏCƏYİK
Bakı, 19 yanvar (AZƏRTAC). FİFA prezidenti Yozef Blatter Moskvada “Birlik kuboku” turnirinin açılışından sonra mətbuat konfransında Azərbaycan futbolu ilə bağlı sualları da cavablandırmışdır. FİFA prezidenti demişdir: “Azərbaycanda futbolun inkişafı üçün çox işlər görülür. Bu məsələyə münasibətdə yalnız Azərbaycan milli komandasının səviyyəsi barədə danışmaq düzgün olmazdı. Bizim Azərbaycanın nümayəndələri ilə əməkdaşlığımız olub və dostluğumuzu bundan sonra da davam etdirəcəyik. Turnir ərəfəsində AFFA nümayəndələri ilə görüşmüşük”.
Bölmənin digər xəbərləri
