AZƏRTAC xarici informasiya agentliklərinə istinadla xəbər verir ki, Yunanıstanda 700 kiloqramadək kokain müsadirə edilmişdir. Polisin məlumatına görə, iki yunan, bir italyan və bir albandan ibarət beynəlxalq cinayətkar qruplaşmanın fəaliyyətini ABŞ, Fransa, İtaliya və İspaniyanın güc qurumları ilə əməkdaşlıq sayəsində ifşa etmək mümkün olmuşdur.

Narkotik maddə alverçiləri Karib dənizindəki Martinika adasından kokain gətirərkən diqqəti cəlb etmişlər. Polis əməkdaşları ayyarımdan artıq bir müddətdə cinayətkarların hərəkətlərini izləmiş, gəmi Yunanıstana gəlib çatdıqda isə onları yaxalamışlar.