ZAVODUN 100 YAŞI TAMAM OLMUŞDUR

03.02.2004 [13:29]
Çap et
A⁺ A^-

Vaxtilə hamının Keşlə maşınqayırma zavodu kimi tanıdığı müəssisənin yüz yaşı tamam olmuşdur. Hazırda Keşlə Maşınqayırma Törəmə Açıq Səhmdar Cəmiyyəti adlandırılan müəssisə getdikcə əvvəlki şöhrətini qaytarır. Maşınqayıranlar uzun fasilədən sonra respublikamızdan kənarda olan sifarişçiləri ilə əlaqələri bərpa etməyə başlamışlar.

Müəssisədən AZƏRTAC-ın müxbirinə bildirmişlər ki, təkcə son bir neçə gündə İtaliyaya nasos hissələri, İrana artezian quyuları qazmaq üçün avadanlıq, Rusiyaya isə “Azinmaş-77” qaldırıcı qurğusu göndərilmişdir.

Bu il müəssisədə 6,5 milyard manatlıq neft-mədən avadanlığı istehsal etmək nəzərdə tutulur. Maşınqayıranlar texnoloji prosesləri təkmilləşdirmək üçün istehsal sahələrində əlavə tədbirlər görürlər. Yeni istehsal sahəsi – sürətlər qutusu sexi istifadəyə hazırlanır, buraxılan avadanlığın və qurğuların texniki parametrləri yaxşılaşdırılır.

ZAVODUN 100 YAŞI TAMAM OLMUŞDUR

MÜƏLLİFLƏ ƏLAQƏ

Bölmənin digər xəbərləri