“Zenit” İran millisinin hücumçusunu transfer edib
Bakı, 3 fevral, AZƏRTAC
Rusiyanın “Zenit” futbol klubu İran millisinin hücumçusu Sərdar Azmonu transfer edib.
AZƏRTAC “Zenit”in saytına istinadla xəbər verir ki, 24 yaşlı iranlı hücumçu “Rubin Kazan” klubundan 10 milyon avro qarşılığında transfer olunub.
Sərdar Azmon karyera debütünü 2011-ci ildə İsfahanın “Sepehan” klubunda edib.
O, cari mövsümdə “Rubin Kazan”ın heyətində 17 oyun keçirib və 5 qol vurub. Hücumçu İran millisində isə 45 oyunda 28 dəfə fərqlənməyi bacarıb.
Bölmənin digər xəbərləri
