Zərdabda qadınların ictimai-siyasi fəallığının artırılması ilə bağlı regional görüş keçiriləcək
Bakı, 20 avqust (AZƏRTAC). Avqustun 21-də Ailə, Qadın və Uşaq Problemləri üzrə Dövlət Komitəsi (AQUPDK) Yeni Azərbaycan Partiyası ilə birgə Zərdab şəhərində bölgələrdə qadınların ictimai-siyasi fəallığının artırılması məqsədilə regional görüş keçirəcək.
AQUPDK-nın mətbuat xidmətindən AZƏRTAC-a bildiriblər ki, tədbirdə Ailə, Qadın və Uşaq Problemləri üzrə Dövlət Komitəsi sədrinin müavini Sədaqət Qəhrəmanova, Ucar, Ağdam, Bərdə, Tərtər, Füzuli rayonlarından fəal qadın nümayəndələr iştirak edəcəklər.
Tədbir qadınların respublikanın ictimai-siyasi, sosial-mədəni həyatında fəallığının daha da artırılmasına, gender bərabərliyinin təmin olunmasına xidmət edəcək.
Bölmənin digər xəbərləri
