Zirə qəsəbəsində avtomobili qaçıran paytaxt sakinləri saxlanılıblar
Bakı, 24 noyabr, AZƏRTAC
Xəzər Rayon Polis İdarəsinin 1-ci polis şöbəsinə noyabrın 21-də Zirə qəsəbəsi ərazisindən qəsəbə sakini Ç.Əzimova məxsus “VAZ-2106” markalı avtomobilin qaçırılması barədə məlumat daxil olub.
Daxili İşlər Nazirliyinin mətbuat xidmətindən AZƏRTAC-a bildiriblər ki, avtomobil dərhal başlanılan əməliyyat-axtarış tədbirləri nəticəsində həmin gün saat üç radələrində qəsəbə ərazisində maneəyə dəymiş vəziyyətdə aşkarlanıb.
Nəqliyyat vasitəsini oğurlamaqda şübhəli bilinən Bakı şəhər sakinləri E.Cəbrayılov, R.Əliyev və R.Məmmədov polis əməkdaşları tərəfindən müəyyənləşdirilərək saxlanılıblar.
Faktla bağlı rayon polis idarəsində araşdırma aparılır.
Bölmənin digər xəbərləri
