Mədəniyyət və turizm naziri şimal bölgəsindən olan vətəndaşların müraciətlərini dinləyib VİDEO
Xaçmaz, 30 may, Elxan Yusifli, AZƏRTAC
Mayın 30-da mədəniyyət və turizm naziri Əbülfəs Qarayev Xaçmazda şimal bölgəsindən olan vətəndaşlarla görüşüb.
AZƏRTAC xəbər verir ki, görüşdən əvvəl Əbülfəs Qarayev Xaçmaz şəhərinin mərkəzində ümummilli lider Heydər Əliyevin abidəsi önünə gül dəstəsi qoyaraq xatirəsini ehtiramla yad edib.
Xaçmaz Tarix-Diyarşünaslıq Muzeyində nazirliyin məsul əməkdaşlarının iştirakı ilə keçirilən görüşdə Quba, Qusar, Xaçmaz, Şabran və Siyəzən rayonlarından olan 30-dan artıq vətəndaşın müraciətlərinə baxılıb.
Müraciətlər yerlərdə mədəniyyət müəssisələrinin fəaliyyətinin yaxşılaşdırılması, tarixi-mədəni abidələrin təmir-bərpası, bölgələrdə turizmin təşviqi və digər məsələlərlə bağlı olub.
Xaçmaz rayonundan qəbula yazılan vətəndaşlar regionda turizmin inkişafına dəstəyin artırılması, Turizm İnformasiya Mərkəzində bələdçilərə ehtiyac olduğunu nəzərə alaraq xarici dil kurslarının təşkil olunması, özfəaliyyət və xalq kollektivləri üzvlərinə fəxri adların verilməsi barədə xahişlərini diqqətə çatdırıblar.
Quba sakinləri rayonda sağlamlıq turizminin inkişaf etdirilməsi, etnoqrafiya muzeyinin yaradılması, “Şahdağ” xalq mahnı və rəqs kollektivinə milli geyimlərin verilməsi, Xınalıq Dövlət Tarix-Memarlıq və Etnoqrafiya Qoruğu üçün yeni inzibati binanın tikilməsi, işlə təmin olunma kimi məsələlərlə bağlı müraciət ediblər.
Qusar rayonundan qəbula gələnlərin müraciətləri Şahdağ Turizm Mərkəzi ilə rayonun mədəniyyət müəssisələri arasında, eləcə də turizm obyektləri ilə turizm şirkətləri arasında əlaqələrin genişləndirilməsi, rəssamlıq emalatxanası və rəsm əsərlərinin sərgi-satış salonunun yaradılması, turizm obyektlərinin ixtisaslı kadrlarla təmin olunması və digər məsələlər barədə olub.
Şabran rayonu sakinləri tərəfindən Çıraqqala Tarix-Memarlıq Qoruğu ərazisində mühafizə köşklərinin qurulması, rayon Mədəniyyət Mərkəzində fəaliyyət göstərən dram kollektivinə xalq teatrı statusunun verilməsi, muzey bələdçiləri üçün xarici dil kurslarının təşkili xahiş edilib.
Siyəzən rayonundan qəbula yazılanlar rayondakı Heydər Əliyev Mərkəzinin ekspozisiyasının zənginləşdirilməsi, rayon Mədəniyyət Mərkəzinə milli geyimlərin verilməsi və digər məsələlər barədə müraciətlərini diqqətə çatdırıblar.
Qəbulda vətəndaşların müraciətlərinin bir qismi yerindəcə həllini tapıb, qaldırılan digər məsələlər isə araşdırılması üçün nəzarətə götürülüb və lazımi tədbirlərin görülməsi ilə bağlı müvafiq tapşırıqlar verilib. Nazirliyin fəaliyyət dairəsinə aid olmayan müraciətlər aidiyyəti qurumlara çatdırılmaq üçün qeydiyyata alınıb.
Nazir Əbülfəs Qarayev jurnalistlərə müsahibəsində dövlətimizin başçısının tapşırığı ilə yerlərdə mütəmadi olaraq keçirilən bu cür görüşlərin əhəmiyyətini diqqətə çatdırıb. Qeyd edib ki, ötən görüşlərdə olduğu kimi, bu dəfə də vətəndaşlar tərəfindən maraqlı təkliflər, təşəbbüslər irəli sürülüb. Nazir tarixi-mədəni irsin qorunması və bərpası, muzeylərdə ekspozisiyaların yenilənməsi, eləcə də turizm sahəsi ilə bağlı təşəbbüsləri xüsusi qeyd edib. Regionlarda turizmin inkişaf etdirilməsinin Prezident İlham Əliyevin xüsusi diqqət mərkəzində olduğunu vurğulayan nazir bununla bağlı səslənən təkliflərin nəzərdən keçiriləcəyini deyib.
Sonra Xaçmaz şəhərində nazir Əbülfəs Qarayevin iştirakı ilə Mədəniyyət və Turizm Nazirliyinin regional idarələrinin fəaliyyətinə həsr olunmuş müşavirə keçirilib. Müşavirədə nazirliyin struktur bölmə rəhbərləri, Bakı Şəhər Mədəniyyət və Turizm Baş İdarəsi və regional mədəniyyət və turizm idarələrinin rəisləri, məsul əməkdaşları iştirak edib.
Tədbirdə 2017-ci ilin yanvarından fəaliyyətə başlayan regional idarələrin əldə etdiyi nəticələr təhlil edilib və qarşıda duran vəzifələr müzakirə olunub. Həmçinin regional idarələrin paytaxtda keçirilən beynəlxalq tədbirlərdə iştirakı dəyərləndirilib.
Nazir müşavirəni açaraq ölkəmizdə mədəniyyət və turizm sahəsində həyata keçirilən tədbirlər haqqında geniş məruzə ilə çıxış edib. Bildirib ki, Prezident İlham Əliyevin “Azərbaycan Respublikası Mədəniyyət və Turizm Nazirliyinin strukturunun təkmilləşdirilməsi haqqında” 29 mart 2016-cı il tarixli Sərəncamına uyğun olaraq yaradılan Bakı Şəhər Mədəniyyət və Turizm Baş İdarəsi, o cümlədən 15 regional mədəniyyət və turizm idarəsinin fəaliyyətinin gücləndirilməsi istiqamətində çox vacib işlər həyata keçirilir. Bu ilin əvvəlindən fəaliyyətə başlayan regional idarələr mədəniyyət və turizm sahələrində daha çevik idarəçiliyin təmin olunmasına xidmət edir.
Vurğulanıb ki, mütəmadi olaraq təşkil olunan belə müşavirələr görülən işlərin təhlil olunması və qarşıya çıxan çətinliklərin aradan qaldırılması baxımından olduqca əhəmiyyətlidir.
Əbülfəs Qarayev ölkəmizdə turizmin inkişafı sahəsində həyata keçirilən işlərdən danışaraq qeyd edib ki, regionlarda turizm sənayesinin inkişafı, turizm klasterlərinin yaradılması istiqamətində görülən tədbirlər davam etdirilir. Bildirilib ki, ölkəmizə gələn turistlərin sayının artırılması, onlara göstərilən mədəni xidmətlərin səviyyəsinin yüksəldilməsi istiqamətində vacib tədbirlər görülür. Regional idarələr də yerlərdə, turizm məkanlarında, açıq havada təşkil etdikləri konsert və sərgilərin sayını artırmalıdırlar. Regional mədəniyyət və turizm idarələri ölkəmizin mədəni, tarixi dəyərlərinin, turizm imkanlarının xarici qonaqlara tanıdılması və təbliği işində yaxından iştirak etməlidir. Regionlardakı mədəniyyət müəssisələri, rəqs və musiqi kollektivləri bu işlərə daha da fəal qatılmalıdır.
Müşavirədə həmçinin yay turizm mövsümünə hazırlıq, yeni turizm marşrutlarının yaradılması istiqamətində müvafiq tapşırıqlar verilib.
Regional idarələrin işinin təşkili üçün islahatların davam etdiriləcəyini deyən nazir əlavə edib ki, mövcud problemlərin aradan qaldırılması, müvafiq sənədləşmə işlərinin həyata keçirilməsi, müraciətlərə baxılması və vaxtında öz həllini tapması diqqətdə saxlanılır. Regionlarda mədəniyyət müəssisələri arasında əlaqələrin, qonşu rayonların mədəniyyət kollektivlərinin mübadiləsinin təşkili, kollektivlərdə çalışanların əməyinin qiymətləndirilməsi kimi məsələlərə də önəm verilməlidir.
Sonda nazir yerlərdə mədəniyyət və turizm xidmətlərinin günün müasir tələbləri səviyyəsində qurulmasının vacibliyini bir daha diqqətə çatdırıb.
Müşavirədə çıxış edənlər mövcud problemlərin həlli, mədəniyyət müəssisələrinin fəaliyyətinin optimallaşdırılması, tələblərə uyğun gəlməyən müəssisələrin gələcək fəaliyyəti barədə təkliflərin hazırlanıb həyata keçirilməsi haqqında fikirlərini bildiriblər.
Regional mədəniyyət və turizm idarələrinin fəaliyyəti ilə bağlı təkliflər səslənib, qarşıda duran vəzifələrin icrası nəzərdən keçirilib, fikir mübadiləsi aparılıb. İdarə rəhbərlərinə işlərinə daha ciddi yanaşmaları və səmərəli fəaliyyət göstərmələri üçün tapşırıqlar verilib.
![Mədəniyyət və turizm naziri şimal bölgəsindən olan vətəndaşların müraciətlərini dinləyib VİDEO]()
Xaçmaz, 30 may, Elxan Yusifli, AZƏRTAC
Mayın 30-da mədəniyyət və turizm naziri Əbülfəs Qarayev Xaçmazda şimal bölgəsindən olan vətəndaşlarla görüşüb.
AZƏRTAC xəbər verir ki, görüşdən əvvəl Əbülfəs Qarayev Xaçmaz şəhərinin mərkəzində ümummilli lider Heydər Əliyevin abidəsi önünə gül dəstəsi qoyaraq xatirəsini ehtiramla yad edib.
Xaçmaz Tarix-Diyarşünaslıq Muzeyində nazirliyin məsul əməkdaşlarının iştirakı ilə keçirilən görüşdə Quba, Qusar, Xaçmaz, Şabran və Siyəzən rayonlarından olan 30-dan artıq vətəndaşın müraciətlərinə baxılıb.
Müraciətlər yerlərdə mədəniyyət müəssisələrinin fəaliyyətinin yaxşılaşdırılması, tarixi-mədəni abidələrin təmir-bərpası, bölgələrdə turizmin təşviqi və digər məsələlərlə bağlı olub.
Xaçmaz rayonundan qəbula yazılan vətəndaşlar regionda turizmin inkişafına dəstəyin artırılması, Turizm İnformasiya Mərkəzində bələdçilərə ehtiyac olduğunu nəzərə alaraq xarici dil kurslarının təşkil olunması, özfəaliyyət və xalq kollektivləri üzvlərinə fəxri adların verilməsi barədə xahişlərini diqqətə çatdırıblar.
Quba sakinləri rayonda sağlamlıq turizminin inkişaf etdirilməsi, etnoqrafiya muzeyinin yaradılması, “Şahdağ” xalq mahnı və rəqs kollektivinə milli geyimlərin verilməsi, Xınalıq Dövlət Tarix-Memarlıq və Etnoqrafiya Qoruğu üçün yeni inzibati binanın tikilməsi, işlə təmin olunma kimi məsələlərlə bağlı müraciət ediblər.
Qusar rayonundan qəbula gələnlərin müraciətləri Şahdağ Turizm Mərkəzi ilə rayonun mədəniyyət müəssisələri arasında, eləcə də turizm obyektləri ilə turizm şirkətləri arasında əlaqələrin genişləndirilməsi, rəssamlıq emalatxanası və rəsm əsərlərinin sərgi-satış salonunun yaradılması, turizm obyektlərinin ixtisaslı kadrlarla təmin olunması və digər məsələlər barədə olub.
Şabran rayonu sakinləri tərəfindən Çıraqqala Tarix-Memarlıq Qoruğu ərazisində mühafizə köşklərinin qurulması, rayon Mədəniyyət Mərkəzində fəaliyyət göstərən dram kollektivinə xalq teatrı statusunun verilməsi, muzey bələdçiləri üçün xarici dil kurslarının təşkili xahiş edilib.
Siyəzən rayonundan qəbula yazılanlar rayondakı Heydər Əliyev Mərkəzinin ekspozisiyasının zənginləşdirilməsi, rayon Mədəniyyət Mərkəzinə milli geyimlərin verilməsi və digər məsələlər barədə müraciətlərini diqqətə çatdırıblar.
Qəbulda vətəndaşların müraciətlərinin bir qismi yerindəcə həllini tapıb, qaldırılan digər məsələlər isə araşdırılması üçün nəzarətə götürülüb və lazımi tədbirlərin görülməsi ilə bağlı müvafiq tapşırıqlar verilib. Nazirliyin fəaliyyət dairəsinə aid olmayan müraciətlər aidiyyəti qurumlara çatdırılmaq üçün qeydiyyata alınıb.
Nazir Əbülfəs Qarayev jurnalistlərə müsahibəsində dövlətimizin başçısının tapşırığı ilə yerlərdə mütəmadi olaraq keçirilən bu cür görüşlərin əhəmiyyətini diqqətə çatdırıb. Qeyd edib ki, ötən görüşlərdə olduğu kimi, bu dəfə də vətəndaşlar tərəfindən maraqlı təkliflər, təşəbbüslər irəli sürülüb. Nazir tarixi-mədəni irsin qorunması və bərpası, muzeylərdə ekspozisiyaların yenilənməsi, eləcə də turizm sahəsi ilə bağlı təşəbbüsləri xüsusi qeyd edib. Regionlarda turizmin inkişaf etdirilməsinin Prezident İlham Əliyevin xüsusi diqqət mərkəzində olduğunu vurğulayan nazir bununla bağlı səslənən təkliflərin nəzərdən keçiriləcəyini deyib.
Sonra Xaçmaz şəhərində nazir Əbülfəs Qarayevin iştirakı ilə Mədəniyyət və Turizm Nazirliyinin regional idarələrinin fəaliyyətinə həsr olunmuş müşavirə keçirilib. Müşavirədə nazirliyin struktur bölmə rəhbərləri, Bakı Şəhər Mədəniyyət və Turizm Baş İdarəsi və regional mədəniyyət və turizm idarələrinin rəisləri, məsul əməkdaşları iştirak edib.
Tədbirdə 2017-ci ilin yanvarından fəaliyyətə başlayan regional idarələrin əldə etdiyi nəticələr təhlil edilib və qarşıda duran vəzifələr müzakirə olunub. Həmçinin regional idarələrin paytaxtda keçirilən beynəlxalq tədbirlərdə iştirakı dəyərləndirilib.
Nazir müşavirəni açaraq ölkəmizdə mədəniyyət və turizm sahəsində həyata keçirilən tədbirlər haqqında geniş məruzə ilə çıxış edib. Bildirib ki, Prezident İlham Əliyevin “Azərbaycan Respublikası Mədəniyyət və Turizm Nazirliyinin strukturunun təkmilləşdirilməsi haqqında” 29 mart 2016-cı il tarixli Sərəncamına uyğun olaraq yaradılan Bakı Şəhər Mədəniyyət və Turizm Baş İdarəsi, o cümlədən 15 regional mədəniyyət və turizm idarəsinin fəaliyyətinin gücləndirilməsi istiqamətində çox vacib işlər həyata keçirilir. Bu ilin əvvəlindən fəaliyyətə başlayan regional idarələr mədəniyyət və turizm sahələrində daha çevik idarəçiliyin təmin olunmasına xidmət edir.
Vurğulanıb ki, mütəmadi olaraq təşkil olunan belə müşavirələr görülən işlərin təhlil olunması və qarşıya çıxan çətinliklərin aradan qaldırılması baxımından olduqca əhəmiyyətlidir.
Əbülfəs Qarayev ölkəmizdə turizmin inkişafı sahəsində həyata keçirilən işlərdən danışaraq qeyd edib ki, regionlarda turizm sənayesinin inkişafı, turizm klasterlərinin yaradılması istiqamətində görülən tədbirlər davam etdirilir. Bildirilib ki, ölkəmizə gələn turistlərin sayının artırılması, onlara göstərilən mədəni xidmətlərin səviyyəsinin yüksəldilməsi istiqamətində vacib tədbirlər görülür. Regional idarələr də yerlərdə, turizm məkanlarında, açıq havada təşkil etdikləri konsert və sərgilərin sayını artırmalıdırlar. Regional mədəniyyət və turizm idarələri ölkəmizin mədəni, tarixi dəyərlərinin, turizm imkanlarının xarici qonaqlara tanıdılması və təbliği işində yaxından iştirak etməlidir. Regionlardakı mədəniyyət müəssisələri, rəqs və musiqi kollektivləri bu işlərə daha da fəal qatılmalıdır.
Müşavirədə həmçinin yay turizm mövsümünə hazırlıq, yeni turizm marşrutlarının yaradılması istiqamətində müvafiq tapşırıqlar verilib.
Regional idarələrin işinin təşkili üçün islahatların davam etdiriləcəyini deyən nazir əlavə edib ki, mövcud problemlərin aradan qaldırılması, müvafiq sənədləşmə işlərinin həyata keçirilməsi, müraciətlərə baxılması və vaxtında öz həllini tapması diqqətdə saxlanılır. Regionlarda mədəniyyət müəssisələri arasında əlaqələrin, qonşu rayonların mədəniyyət kollektivlərinin mübadiləsinin təşkili, kollektivlərdə çalışanların əməyinin qiymətləndirilməsi kimi məsələlərə də önəm verilməlidir.
Sonda nazir yerlərdə mədəniyyət və turizm xidmətlərinin günün müasir tələbləri səviyyəsində qurulmasının vacibliyini bir daha diqqətə çatdırıb.
Müşavirədə çıxış edənlər mövcud problemlərin həlli, mədəniyyət müəssisələrinin fəaliyyətinin optimallaşdırılması, tələblərə uyğun gəlməyən müəssisələrin gələcək fəaliyyəti barədə təkliflərin hazırlanıb həyata keçirilməsi haqqında fikirlərini bildiriblər.
Regional mədəniyyət və turizm idarələrinin fəaliyyəti ilə bağlı təkliflər səslənib, qarşıda duran vəzifələrin icrası nəzərdən keçirilib, fikir mübadiləsi aparılıb. İdarə rəhbərlərinə işlərinə daha ciddi yanaşmaları və səmərəli fəaliyyət göstərmələri üçün tapşırıqlar verilib.
Bölmənin digər xəbərləri
