CƏBHƏ XƏBƏRLƏRİ


Yevlaxlı gənclər səfərbərlik çağırışına böyük coşqu ilə qoşulublar VİDEO

Yevlax, 1 oktyabr, AZƏRTAC 

Ermənistan silahlı qüvvələrinin cəbhəboyu ərazilərimizdə törətdiyi təxribatın qarşısının alınması, torpaqlarımızın işğaldan azad edilməsi üçün artıq üçüncü gündür Ali Baş Komandanın müvafiq Sərəncamı ilə ölkəmizdə qismən səfərbərlik elan olunub. Respublikamızın digər yerlərində olduğu kimi, Yevlax rayonunda da ordu sıralarına çağırılanlar qələbə əzmi ilə cəbhə bölgəsinə yollanırlar. Həmçinin düşmənə qarşı könüllü döyüşmək istəyənlərin müraciətləri də qeydə alınır.

AZƏRTAC-ın bölgə müxbiri xəbər verir ki, Yevlaxda Səfərbərlik və Hərbi Xidmətə Çağırış üzrə Dövlət Xidmətinin rayon bölməsinə könüllü olaraq cəbhə bölgəsinə gedərək döyüşmək və lazımi köməklik göstərmək istəyən vətəndaşlarımız tərəfindən çoxsaylı müraciətlər daxil olur. Gənclər ön cəbhəyə böyük sevinc hissi və ruh yüksəkliyi ilə yola düşdüklərini bildirirlər. Ali Baş Komandanın səfərbərlik çağırışına səs verənlər arasında qazilərimiz də çoxdur.

Siyahı üzrə adları qeydiyyata alınmış yevlaxlı çağırışçılar onlar üçün ayrılan avtobuslara minib yüksək əhval ruhiyyə ilə cəbhə xəttinə yola salınıblar.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.