Yuxarı Qarabağ kanalından su qəbul edən baş qurğunun və nasos stansiyasının tikintisi başa çatdırılıb VİDEO
Goranboy, 5 noyabr, AZƏRTAC
Prezidentin Sərəncamına əsasən Yuxarı Qarabağ kanalından suqəbuledici baş qurğunun, nasos stansiyasının, nasos stansiyasını elektriklə təmin etmək üçün xarici elektrik yarımstansiyasının və 35 kvt-lıq elektrik verilişi hava xəttinin tikintisi tam başa çatdırılıb. Obyekt son yoxlama sınaq işlərindən sonra istismara veriləcək.
AZƏRTAC xəbər verir ki, Yevlax və Goranboy rayonları ərazisində 3120 hektar əkin sahəsi olan təsərrüfatın suvarma suyu ilə təmin edilməsi üçün inşa edilən bu nasos stansiyası ilə yanaşı, 100 min kubmetr su tutumu olan hovuzun tikintisi də yekunlaşıb.
“Azdövsutəslayihə" (Su Təsərrüfatı Obyektlərinin Layihələndirilməsi üzrə Azərbaycan Dövlət İnstitutu) İnstitutu tərəfindən tərtib olunan layihə əsasında görülən bu işlərin məqsədi Yevlax və Goranboy rayonlarının ərazisində Bozdağ massivində yerləşən 2960 hektar sahəyə və Goranboy rayonu ərazisində yaradılacaq aqroparka suvarma suyunun çatdırılmasıdır. Layihədə Yuxarı Qarabağ kanalı üzərində Baş sugötürən qurğu 5 aqreqatlı nasos stansiyası, nasos stansiya qovşağında isə iki otaqlı gözətçi evi və təsərrüfat məntəqəsi inşa edilib.
Layihə əsasında əkin sahələrini sel sularından mühafizə edən 6,4 kilometr uzunluğunda selötürücü kanalların qurğularla birlikdə tikintisi də həyata keçirilib. Nasos stansiyasının xarici elektrik təchizatı üzrə 1,13 kilometr uzunluğunda 35 kvt-lıq elektrik hava xətti və transformator yarımstansiyası da quraşdırılıb.
Bölmənin digər xəbərləri
