2004-CÜ İLDƏ NEFTİN DÜNYA QİYMƏTLƏRİ SABİT OLACAQ

17.01.2004 [20:40]
Çap et
A⁺ A^-

Əbu-Dəbi Milli Neft Şirkətinin (ƏDNOK) baş analitiki Əli Yəbhuni hesab edir ki, neftin dünya qiymətləri 2004-cü il ərzində sabit qalacaqdır. AZƏRTAC xəbər verir ki, ekspertin fikrincə, cari il ərzində orta qiymətlər bir barrel üçün 26 dollar səviyyəsində proqnozlaşdırılır. Lakin ən çox neft ixrac edən ölkələrdə siyasi sabitsizliyi nəzərə alaraq, qiymət 26 dollardan da artıq ola bilər. O, neftin qiymətlərinin sabit qalmasının xeyrinə olan altı əsas amil göstərmişdir.

Birincisi, qlobal iqtisadi artım əvvəllər güman edildiyindən daha sabit olmuşdur. İkinci amil belə bir inamla bağlıdır ki, ümumi coğrafi-siyasi baxımdan dünyada gözlənilən narahatlıq “risk mükafatları”nın bir barrel üçün 2-3 dollar artmasına təsir göstərəcəkdir. Üçüncüsü, İraqda neft hasilatının sürətlə artırılacağı gözlənilmir. Dördüncü amil Rusiyaya aiddir. Müəllifin fikrincə, bu ölkə neft hasilatının artırılmasında qlobal lider olaraq qalacaq, amma bu artım ləng gedəcəkdir. Beşinci amil ABŞ dollarının mübadilə məzənnəsi ilə bağlıdır. Son illər avroya nisbətdə dolların məzənnəsi 35 faiz aşağı düşmüşdür. Deməli, hər barrelin satışından əldə edilən dollara əvvəlkinə nisbətən daha az mal almaq olar. Bu, OPEK-də gedən diskussiyalarda diqqət mərkəzində olan ümdə məsələlərdən biridir. Analitik altıncı amili OPEK-də tarazlı siyasət aparılması ilə bağlayır. Ötən il kartel yeddi dəfə toplaşaraq və “qabaqlayıcı” qərarlar çıxarmışdır. Bu qərarlar neft bazarını yaxşı tarazlı vəziyyətdə saxlamağa imkan vermişdir.

2004-CÜ İLDƏ NEFTİN DÜNYA QİYMƏTLƏRİ SABİT OLACAQ

MÜƏLLİFLƏ ƏLAQƏ

Bölmənin digər xəbərləri