2020-ci ilin noyabrından bu günədək 329 nəfər mina qurbanı olub
Bakı, 6 oktyabr, AZƏRTAC
2020-ci ilin noyabrından 2023-cü ilin oktyabrınadək Qarabağ və Şərqi Zəngəzurda 191 mina hadisəsi baş verib. Nəticədə 329 nəfər mina qurbanı olub. Həmin şəxslərdən 63 nəfəri həyatını itirib.
Bu barədə AZƏRTAC-a ANAMA-dan məlumat verilib.
Bildirilib ki, bu ilin əvvəlindən 28 mina hadisəsi qeydə alınıb. Nəticədə 47 nəfər mina qurbanı olub ki, onlardan 17-si həyatını itirib.
Qeyd edək ki, 2020-ci ilin noyabr-dekabr aylarında 31, 2021-ci ildə 77, ötən il isə 55 mina hadisəsi baş verib.
Bölmənin digər xəbərləri
