20 YANVAR FACİƏSİNƏ HƏSR OLUNMUŞ MƏRASİM
QPDK-dən AZƏRTAC-a bildirilmişdir ki, tədbirdə komitənin sədri Zəhra Quliyevanın “20 Yanvar faciəsi”, sədrin birinci müavini Dilruba Camalovanın “Əbədiyyət yolçuları” mövzularında məruzələri dinlənilmişdir. Natiqlər qeyd etmişlər ki, Qanlı Yanvar hadisələri zamanı Azərbaycan xalqı bütün siyasi-mənəvi dəstəklərdən məhrum olunmuşdur. Faciənin ertəsi günü respublikamızın Moskvadakı nümayəndəliyinə gələn Heydər Əliyev verdiyi bəyanatla xalqın ümidini özünə qaytardı.
Xalqımız özünü təmkinli, səbrli apararaq o böyük faciədən mətanətlə çıxdı. Səhid olan oğullarımız öz ölümləri ilə sübut etdilər ki, Vətəni sevənlər onu qoruyanlardır.
Məruzələrdə diqqətə çatdırıldı ki, Heydər Əliyevin xalqın təkidi ilə hakimiyyətə qayıdışından sonra 20 Yanvar hadisələrinə siyasi qiymət verildi.
Sonda məruzələr ətrafında çıxışlar dinlənildi.
Bölmənin digər xəbərləri
