Ağalı kənd sakini: Böyük Qayıdışın ilk iştirakçıları olmaqdan qürur duyuruq VİDEO
Zəngilan, 19 iyul, Elmir Səftərov, AZƏRTAC
Hazırda sevincimin həddi-hüdudu yoxdur. Kənd camaatı ilə birlikdə doğma yurdumuza qayıtmışıq. Bu qayıdışın ardı gələcək, bütün məcburi köçkünlərimizin torpaq həsrəti sona yetəcək.
Bunu AZƏRTAC-a müsahibəsində Zəngilan rayonunun Ağalı kənd sakini Möhtubbət Səmədov deyib.
Kənddə yaradılan şəraitdən razılığını ifadə edən M.Səmədov bildirib: “Otuz il idi sanki yaşamırdım. Bu gündən həyatımı yenidən yaşamağa başlamışam. Bu sevinci bizə yaşadanlara - Ali Baş Komandan, Prezident İlham Əliyev başda olmaqla, Ordumuza minnətdaram. Allah şəhidlərimizə rəhmət eləsin, qazilərimizə cansağlığı versin. Torpaqlarımız igid oğulların qanı, canı bahasına geri qaytarıldı. Bizim də borcumuz öz yurd-yuvamıza qayıtmaq, torpaqlarımıza yeni nəfəs vermək və bununla da uğrunda canını vermiş şəhidlərimizin ruhunu şad etməkdir. Ağalı kəndində çox gözəl şərait yaradılıb. Böyük Qayıdışın ilk iştirakçıları olmaqdan qürur duyuruq”.
Bölmənin digər xəbərləri
