Vladanka Andreyeva: Əlilliyi olan şəxslər qeyri-mütənasib şəkildə iqlim dəyişikliklərinin təsirinə məruz qalırlar VİDEO
Bakı, 3 dekabr, AZƏRTAC
Əlilliyi olan şəxslər dünya əhalisinin 16 faizini təşkil edir. Həmin qəbildən olan şəxslər qeyri-mütənasib şəkildə iqlim dəyişikliklərinin təsirinə məruz qalırlar. Odur ki, qlobal bəla ilə mübarizədə onların səsinin eşidilməsi, rəhbərlik keyfiyyətlərindən yararlanmaq vacibdir.
AZƏRTAC xəbər verir ki, bu fikirləri Beynəlxalq Əlilliyi olan Şəxslər Gününə həsr olunmuş "Əlilliyi olan şəxslərin iştirakı ilə iqlim həllərinin təkmilləşdirilməsi" mövzusunda tədbirdə BMT-nin Azərbaycandakı rezident əlaqələndiricisi Vladanka Andreyeva deyib.
"Azərbaycan COP29 konfransını ev sahibi olaraq uğurlu şəkildə başa vurdu. Həmin mötəbər tədbirdə əlilliyi olan şəxslərin də çıxışı, iştirakı da təmin olundu. Braziliyada keçiriləcək COP30-a qədər Azərbaycan COP29 Sədrliyi olaraq fəaliyyətini davam etdirəcək. Biz inklüzivliyin təmin olunması, əlilliyi olan şəxslərin iqlim dəyişikliyi əleyhinə mübarizədə iştirakının təmin olunması ilə bağlı işlərimizi bundan sonra da davam etdirməliyik", - deyə V.Andereyeva bildirib.
Bölmənin digər xəbərləri
