Şəhid övladı: Ali təhsilimi Avropada davam etdirməyi düşündüyüm üçün Almaniyadakı yay düşərgəsi mənim üçün önəmlidir VİDEO
Berlin, 3 iyul, AZƏRTAC
Almaniyadakı yay düşərgəsinin açılışında iştirak etməkdən çox şadam. Mən kompüter mühəndisliyi üzrə təhsil alıram və təhsilimi Avropa ölkələrindən birində davam etdirmək istəyirəm. Bu layihə çərçivəsində Almaniyada olmaq və buradakı mühitlə tanışlıq mənim üçün böyük imkandır.
Bu barədə şəhid övladlarının “Əmanətə sədaqət” yay düşərgəsinin iştirakçısı, şəhid Əhməd Abdullayevin oğlu Nihad Abdullayev AZƏRTAC-a müsahibəsində deyib.
“Düşərgə çərçivəsində bir sıra yerli universitetləri də ziyarət edəcəyik. Bu ali təhsil müəssisələri ilə yaxından tanışlığın həm mənim, həm də layihədə iştirak edən dostlarımın gələcək təhsil və karyera seçimlərində mühüm rol oynayacağına inanıram”, - deyə Nihad Abdullayev qeyd edib.
Elvin Mövsüm
AZƏRTAC-ın xüsusi müxbiri
Berlin
Bölmənin digər xəbərləri
