DÜNYA


ABŞ-ın Hərbi Dəniz Qüvvələrinə məxsus gəmi Batumi limanına gəlib

Tbilisi, 21 yanvar, AZƏRTAC

ABŞ-ın Hərbi Dəniz Qüvvələrinə məxsus mina və raket daşıyan 4-cü nəsil silahlanmaya məxsus “Donald Kuk” (Donald Cook DDG-75) hərbi gəmisi yanvarın 21-də Gürcüstanın Batumi limanına daxil olub.

AZƏRTAC xəbər verir ki, Batumi limanında gəminin təntənəli qarşılanma mərasimi olub. Mərasimdə Acarıstan Muxtar Respublikası hökumətinin, Gürcüstan Sahil Mühafizə Xidmətinin rəsmi şəxsləri iştirak ediblər.

Donald Kuk (DDG-75) hərbi gəmisinin əsas silahı 2500 kilometr uçuş qabiliyyətli, nüvə başlığı daşıya bilən qanadlı raketlərdir. Döyüş qabiliyyətindən və vəziyyətdən asılı olaraq gəmiyə 56 və ya 96 belə raket yerləşdirmək mümkündür.

Qara dənizdə təhlükəsizliyin müdafiəsi məqsədilə Gürcüstana gələn gəmi, həmçinin taktiki döyüş raketləri, artilleriya qurğuları ilə də təmin olunub.

“Donald Kuk” gəmisi Gürcüstanın Sahil Mühafizə Xidməti ilə birlikdə hərbi təlimlərdə iştirak edəcək.

Məlumat üçün qeyd edək ki, 2018-ci ildə Qara dənizdə ABŞ-ın “USS Ross”, “USS Carney” və “USS Porter” raket daşıyan gəmiləri, “USS Mount Whitney” flaqman gəmisi və “USS Oak Hill” desant gəmisi təlimlərdə iştirak ediblər.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.