Aleksandr Lukaşenko əyyaşlıq edən dövlət məmurlarını vəzifələrindən kənarlaşdırıb
Minsk, 31 avqust, AZƏRTAC
Belarus Prezidenti Aleksandr Lukaşenko ölkədə ciddi kadr dəyişiklikləri aparıb.
AZƏRTAC xəbər verir ki, A.Lukaşenko buna səbəb kimi bəzi məmurların sərxoşluq, əyyaşlıq etdiyini göstərib. “Mən hökumətdə kadr dəyişikliklərindən sonra monitorinqi və vəziyyəti nəzarətdə saxlayacağam. Qeyd edim ki, bu islahatlar hələ son deyil. Mənim müəyyən etdiyim iş prinsiplərinə cavab verməyən məmurlar vəzifədən kənarlaşdırılacaqlar”, - deyə Belarus Prezidenti əlavə edib. Dövlət başçısının sözlərinə görə, vəzifələrindən kənarlaşdırılan məmurlar özlərini ədəbli, ləyaqətli aparmayıblar.
Qeyd edək ki, Belarus Prezidenti avqustun 31-də bir neçə naziri, səfirləri, icra hakimiyyəti başçılarını vəzifələrindən kənarlaşdırıb.
Emil Hüseynli
AZƏRTAC-ın xüsusi müxbiri
Minsk
Bölmənin digər xəbərləri
