CƏMİYYƏT


Arterial təzyiq xəstələri qidalanmanı ciddi nəzarətdə saxlamalıdırlar

Bakı, 8 may, AZƏRTAC

Arterial təzyiqin yüksək olması hipertoniya xəstələrində ciddi narahatlıq yaradır. Lakin qida rejimini gözləməklə onu normada saxlamaq olar. Bunun üçün ilk növbədə qidalanmaya fikir vermək, yağlı və duzlu qidalardan çox istifadə etməmək lazımdır. Yüksək təzyiqi olanlar mədə-bağırsaq sisteminin normal çalışmasına diqqət göstərməli, daha çox meyvə və tərəvəzlərlə qidalanmalı, çəkisini nəzarətdə saxlamalıdır.

Paytaxtdakı 22 nömrəli Birləşmiş Xəstəxananın həkim-kardioloqu Nüşabə Səfərova AZƏRTAC-a deyib: “Həmin xəstələrə şirniyyat və şirin içkilərin miqdarını azaltmaq tövsiyə olunur. Arterial təzyiqi yüksək olanlar limonu gündəlik qida rasionuna daxil etməlidir, çünki onun tərkibində olan C vitamini ürəkdə əmələ gələn patologiyaların qarşısını ala bilir, ona görə də hər səhər bir stəkan limonlu su içmək faydalı hesab olunur. Həmin xəstəlikdən əziyyət çəkənlər üçün qarpız tumu da çox faydalıdır”.

Həkim-kardioloq bildirib ki, aparılan bir çox araşdırmalara görə, gün ərzində bir-iki diş sarımsaq yemək də təzyiqi normada saxlaya bilir. Cəfəri şirəsi və dəmləməsi də təzyiq xəstələri üçün xeyirlidir. Zəncəfil, qatıq, nar kimi məhsullar da arterial təzyiqdən əziyyət çəkənlər üçün faydalıdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.