GƏNCƏNİN İLK ŞƏHİDLƏRİNİN XATİRƏSİ ANILMIŞDIR
AZƏRTAC-ın bölgə müxbiri xəbər verir ki, 1990-cı ildə Çaykənd ətrafında gedən döyüşlərdə həlak olmuş ilk Gəncə şəhidləri Ruzigar Qasımovun, Bəxtiyar Əliyevin və Abbasqulu Məmmədovun xatirəsi daim əziz tutulur. Şəhidlər Xiyabanında uyuyan bu mərd oğulların məzarları ətrafına yenə də xeyli adam toplaşmışdı. Onları tanıyanlar, təhsil aldıqları məktəblərin nümayəndələri, şagirdlər 14 il əvvəl erməni gülləsinə sinə gərmiş bu gənclərin qəhrəmanlıqlarından danışmış, onlara həsr edilmiş şerlər söyləmişlər. Sonra məzarların ətrafına qərənfillər düzülmüş, şəhidlərin ruhuna dualar oxunmuşdur.
Bölmənin digər xəbərləri
