DÜNYA


Gürcüstanda uşaqlar arasında koronavirusa yoluxma halları artıb

Tbilisi, 15 iyul, AZƏRTAC

Gürcüstanda uşaqlar arasında koronavirusa yoluxma halları artıb. Klinikalarda koronavirus infeksiyasına yoluxan təxminən 300 uşaq var. Onların arasında “delta” ştamına yoluxanlar da var.

AZƏRTAC xəbər verir ki, bu barədə Gürcüstanın səhiyyə naziri Ekaterine Tikaradze məlumat verib.

Xəstəxanalarda əlavə uşaq çarpayılarının qoyulacağını vurğulayan nazir valideynlərə müraciət edərək deyib: “Valideynlər övladlarının virusa yoluxmaması üçün çox diqqətli olmalıdırlar. Bu gün qoruyucu tibbi maska taxmaq və sosial məsafə saxlamaq uşaqların COVID-19-dan qorunması üçün vacib vasitələr olaraq qalır”.

Qeyd edək ki, Gürcüstanda koronavirusa yoluxma halları yenidən artıb. Son sutka ərzində ölkədə daha 1398 nəfərin koronavirus testi pozitiv nəticələnib, 11 ölüm halı qeydə alınıb.

Bununla da ölkədə COVID-19 infeksiyasına yoluxanların sayı 382 min 734-ə, ölənlərin sayı isə 5503-ə çatıb. Bu günə olan aktiv xəstə sayı 14 min 714 nəfərdir.

Xətayi Əzizov

AZƏRTAC-ın xüsusi müxbiri

Tbilisi 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.