DÜNYA


Gürcüstanın Baş naziri: Prezident seçkilərində hakimiyyət cəmiyyətdən dəqiq mesaj aldı

Tbilisi, 30 oktyabr, AZƏRTAC

Gürcüstan cəmiyyətindən səhvlərimiz və insanları narahat edən problemlərlə bağlı dəqiq mesaj aldıq. Bu seçkilər göstərdi ki, ölkədə çox şeyi qısa vaxt ərzində dəyişmək lazımdır.

AZƏRTAC xəbər verir ki, bu sözləri Gürcüstanın Baş naziri Mamuka Baxtadze oktyabrın 28-də keçirilmiş prezident seçkilərinin nəticələrini şərh edərkən söyləyib.

M.Baxtadze prezident seçkilərinin ikinci turunda bütün tərəfdarların maksimal səfərbərliyinin təmin olunacağını bildirib.

Xatırladaq ki, oktyabrın 28-də Gürcüstanda keçirilən prezident seçkilərində hakim “Gürcü Arzusu-Demokratik Gürcüstan” partiyasının dəstəklədiyi müstəqil namizəd Salome Zurabişvili 38,64 faiz, müxalifdə olan “Vahid Milli Hərəkat” partiyasının namizədi Qriqol Vaşadze isə 37,74 faiz səs toplayıb.

Hər iki namizəd ikinci turda mübarizəni davam etdirəcək. Seçkilərin ikinci turu dekabrın 2-dən gec olmayaraq keçiriləcək.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.