İQTİSADİYYAT


İran OPEC-ə şikayət məktubu göndərib

Bakı, 8 avqust, Nihad Budaqov, AZƏRTAC

İran Neft İxrac Edən Ölkələr Təşkilatına (OPEC) şikayət məktubu ünvanlayıb.

AZƏRTAC “Shana” agentliyinə istinadla xəbər verir ki, İranın neft naziri Bijən Namidar Zəncənə OPEC-ə üzv bəzi ölkələrin razılaşdırmadan xam neft istehsalını tənzimlədikləri üçün təşkilata şikayət məktubu göndərib.

İranlı nazir OPEC-in üzv ölkələrin təsdiq edilmədən neft istehsalını tənzimləmələrinə mane ola bilməyəcəyi təqdirdə fövqəladə yığıncağın keçirilməsini tələb edəcəklərini söyləyib.

Xatırladaq ki, 2016-cı il noyabrın 30-da OPEC üzrə gündəlik neft hasilatının 1,2 milyon barrel azaldılaraq 32,5 milyon barrelə endirilməsi barədə razılıq əldə olunub. Həmin il dekabrın 10-da Vyanada OPEC üzvləri ilə təşkilata daxil olmayan 11 ölkə, o cümlədən Azərbaycan ümumi hasilatın sutkada 558 min barrel azaldılması barədə sazişə imza atıb. Ötən ilin noyabrın 30-da OPEC Nazirlər Şurasının 173-cü iclası çərçivəsində təşkilata üzv və kartelə daxil olmayan dövlətlərin nazirlərinin üçüncü görüşündə neft hasilatının azaldılmasına dair sazişin müddətinin 2018-ci ilin sonuna kimi uzadılması ilə bağlı qərar qəbul olunub. Cari ilin iyunun 23-də isə OPEC və qeyri-OPEC ölkələri nazirlərinin 4-cü iclasında hasilat kvotasının 100 faizlik icrası, yəni neft hasilatının sutkada 1 milyon barrel artırılması ilə bağlı razılıq əldə olunub. Azərbaycanın da dəstəklədiyi bu qərar iyulun 1-dən qüvvədədir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.