Juan Feliş “Atletiko” klubunun tarixində ən bahalı oyunçu olacaq
Madrid, 19 iyun, AZƏRTAC
“Benfika” futbol klubunun portuqaliyalı hücumçusu 19 yaşlı Juan Feliş “Atletiko de Madrid”in tarixində ən bahalı oyunçu olacaq.
AZƏRTAC İspaniya KİV-lərinə istinadla xəbər verir ki, gərgin danışıqlardan sonra “Benfika” ən istedadlı avropalı futbolçulardan birini 120 milyon avro qarşılığında əldə edəcək. Saziş “Atletiko” ilə oyunçunu hər mövsümə görə 6 milyon avro müqabilində 2024-cü ilədək bağlayacaq.
Qiymətinə, yaşına və trayektoriyasına görə Juan Felişin icarəsi riskli kapital baxımından çox güclü yatırımdır. Bunu Antuan Qrizmanın əvəz edilməsinə ehtiyacı olan “Atletiko” klubu özü də təsdiqləyib.
Gənc futbolçunun hesabında 20 qol və 11 nəticəli ötürmə var.
Nigar Cəfərli
AZƏRTAC-ın xüsusi müxbiri
Madrid
Bölmənin digər xəbərləri
