Kerç boğazında iki gəmi yanıb, azı 14 nəfər həyatını itirib
Moskva, 22 yanvar, AZƏRTAC
Kerç boğazında Tanzaniya bayrağı altında üzən iki gəmidə yanğın olub.
AZƏRTAC xəbər verir ki, gəmilərin ekipajı İran və Türkiyə vətəndaşlarından ibarətdir.
Rusiya Dəniz və Çay Nəqliyyatı Federal Agentliyinin məlumatına görə, gəmilərdən birində partlayış baş verib. Hadisə nəticəsində azı 14 dənizçi həlak olub, daha 17 nəfər isə xilas edilib.
Yanğın bir gəmidən digərinə yanacaq ötürülməsi zamanı baş verib.
Novorossiysk Xilasetmə-Əlaqələndirmə Mərkəzinin məlumatına əsasən xilasetmə işlərinə 10 gəmi cəlb edilib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
