Lissabon “Uber” elektrik velosipedlərini alan ilk Avropa şəhəri olub
Lissabon, 2 iyun, AZƏRTAC
“Uber” şirkətinin Portuqaliya küçələrində 750 ədəd “Jump” elektrik velosipedi var. İyunun 1-dən şəhərə daha 1000 ədəd belə velosiped gətirilib. Beləliklə, velosipedlərin kirayəsi üzrə xidmət bütün şəhəri əhatə edəcək.
Lissabon saatda 25 kilometr sürətlə hərəkət edən bu markalı elektrik velosipedlərini alan ilk Avropa şəhəri olub. Velosipedlər təkcə pedalla deyil, mühərriklə də təchiz olunub. Portuqaliyada istehsal olunan yeni modellərə velosipedin QR-kodun köməyi ilə işə salınması kimi yeni funksiyalar daxil edilib.
Nigar Cəfərli
AZƏRTAC-ın xüsusi müxbiri
Lissabon
Bölmənin digər xəbərləri
