MƏDƏNİYYƏT


Milli Kitabxana “Həsən bəy Zərdabi – 180” adlı elektron daycesti istifadəçilərə təqdim edib

Bakı, 4 avqust, AZƏRTAC

2022-ci ildə milli mətbuatımızın banisi, mütəfəkkir, ədib, maarifçi-demokrat Həsən bəy Zərdabinin anadan olmasının 180 illiyi tamam olur. Bu münasibətlə M.F.Axundzadə adına Azərbaycan Milli Kitabxanasının əməkdaşları tərəfindən “Həsən bəy Zərdabi – 180” adlı elektron daycest hazırlanıb.

Kitabxanadan AZƏRTAC-a bildirilib ki, daycestdə Həsən bəy Zərdabi ilə bağlı 2018-2022-ci illərdə dövri mətbuat səhifələrində dərc edilmiş məqalələr araşdırılıb və seçmə yolu ilə istifadəçilərə təqdim olunub. Daycestin hazırlanmasında əsas məqsəd geniş istifadəçi kütləsini görkəmli ictimai xadimin həyat və yaradıcılığı, ölməz irsi haqqında dərc olunmuş materiallarla tanış etməkdən ibarətdir. Daycestdə məqalələr illər üzrə, daxildə isə əlifba ardıcıllığı ilə verilib.

Elektron daycestlə tanış olmaq istəyənlər http://anl.az/down/H.Zerdabi.pdf linkindən istifadə edə bilərlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.