MƏDƏNİYYƏT


Portuqaliya klassik musiqisi ilə muğamın sintezi

Bakı, 15 dekabr, AZƏRTAC

Dekabrın 15-də Portuqaliyanın Azərbaycandakı Nümayəndəliyi və Fəxri Konsulluğunun dəstəyi, "UnitedCultures"in təşkilatçılığı ilə "Landmark" otelinin "Rotunda" zalında pianoçu Luis Koşta və violonçelçalan Fernando Koştanın konserti keçirilib. Azərbaycanın Əməkdar artisti, tarzən Sahib Paşazadə onlarla eyni səhnəni bölüşüb.

AZƏRTAC xəbər verir ki, konsertdə Portuqaliya klassik musiqisi və muğamın sintezi səslənib. İfaçıların çıxışı tamaşaçılar tərəfindən böyük maraqla qarşılanıb.

Xatırladaq ki, Koşta əkiz qardaşları bir çox nüfuzlu musiqi mükafatlarının sahibləridir. Onlar Portuqaliyanı bir sıra beynəlxalq festival və müsabiqələrdə təmsil edir, bütün Avropa ölkələrində, həmçinin ABŞ, Çin və Cənubi Afrika Respublikasında konsert proqramları ilə çıxış edirlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.