® “AccessBank” EBRD-nin dəstəyi ilə üçüncü dəfə “Access2Success” layihəsinə başlayır
“AccessBank” Azərbaycanda qadın sahibkarlığını dəstəkləmək məqsədilə üçüncü dəfə “Access2Success” layihəsinə start verdiyini elan edir.
Layihə Avropa Yenidənqurma və İnkişaf Bankının (EBRD) dəstəyi ilə həyata keçiriləcək. Bu unikal layihə iştirakçılara bizneslərini uğurla inkişaf etdirmək üçün lazım olan resursları, bilikləri və dəstəyi təqdim edir.
“Access2Success” layihəsinin məqsədi - biznes ideyalarını həyata keçirmək və bazardakı mövqelərini gücləndirmək istəyən qadınlar üçün əlverişli mühitin yaradılmasıdır. Layihə
çərçivəsində iştirakçılar təhsil proqramlarına, ekspertlərlə məsləhətləşmələrə və şəbəkələşmə imkanlarına çıxış əldə edəcəklər. Layihə maliyyə idarəçiliyi, marketinq, strateji planlaşdırma və digər mövzuları əhatə edən təlimlər və mentorluq proqramlarını əhatə edir.
“Access2Success” layihəsinə iştirak üçün müraciətlər bu gündən qəbul olunur və iqtisadiyyatın istənilən sektorundan qadın sahibkarlar bu təşəbbüsə qoşulmağa dəvət edilir.
Layihə və iştirak şərtləri ilə bağlı əlavə məlumat üçün linkə keçid edin: https://support.google.com/drive/answer/6283888
İlk “Access2Success” layihəsinə 2022-ci ildə start verilib və iştirak üçün 250-yə yaxın namizəd müraciət etmişdi. Onlardan tələblərə cavab verən 53 nəfər təlimlərə qatılıb. Növbəti, “Access2Success-2” layihəsi isə 2023-cü ildə həyata keçirilib. Bu layihədə 250-dən çox müraciətlər içində seçilən, 50 qadın qatılmışdı.
İştirakçılar konsaltinq, turizm, təhsil, səhiyyə, ekoməhsullar, dekor, geyim və aksesuar kimi sahələri təmsil edirdilər. 5 həftə davam edən “Access2Success” layihəsində qadın sahibkarlara biznesin strateji inkişafı, böhran dönəmində idarəçilik, dövlət qurumlarına hesabatların verilməsi, satış, marketinq, elektron ticarət, kadrların idarə edilməsi, biznesə nəzarət mövzularında təlimlər keçirilib.
“AccessBank” Azərbaycanın mikromaliyyələşdirmə bazarında lider olaraq, 2002-ci ildən kiçik və orta bizneslərə xidmət göstərir. Bankın səhmdarları sırasında Asiya İnkişaf Bankı, Avropa İnvestisiya Bankı, Beynəlxalq Maliyyə Korporasiyası kimi beynəlxalq təşkilat və qurumlar yer alır. Bankın 14-ü Bakıda, 21-i bölgələrdə olmaqla 35 filialı fəaliyyət göstərir və MKOB-lar üçün əlçatan maliyyələşdirmə imkanlarını təqdim etməyə davam edir. Filiallar haqqında əlavə məlumat linkdə təqdim edilir: http://bit.ly/accessbank-filiallar
Bankın xidmətləri haqqında daha ətraflı məlumat əldə etmək üçün 151 Əlaqə Mərkəzinə zəng etmək, həmçinin www.accessbank.az saytına və ya bankın müxtəlif sosial şəbəkələrdə olan səhifələrinə (feysbuk, instaqram, linkedin) müraciət edə bilərsiniz.
“AccessBank” QSC Azərbaycan Respublikası Mərkəzi Bankı tərəfindən 2002-ci il 25 oktyabr tarixli 245 saylı lisenziya əsasında fəaliyyət göstərir. Bankın baş ofisi Bakı şəhəri, Yasamal rayonu, Tbilisi prospekti 3 ünvanında yerləşir.
Bölmənin digər xəbərləri
