® “Huawei” Berlində yeni nəsil biləyə taxılan cihazların model xəttini təqdim edib
“Huawei” Berlində yeni nəsil biləyə taxılan cihazların model xəttini təqdim edib və bununla da biləyə taxılan innovativ qurğuların yeni dövrünün başlandığını elan etdi
Bu gün Berlində keçirilən innovativ məhsulların təqdimat tədbirində “Huawei” “Gələcək bu gündür” konsepsiyası çərçivəsində bir sıra yeni cihazlar və qabaqcıl texnologiyalarını təqdim etdi. Müasir texnologiya nailiyyətlərini zərif dizaynla birləşdirən “Huawei” gələcəyin daha ağıllı və estetik baxış nöqtəsini formalaşdırır.
“Huaweı Watch 5” - interaktiv imkanların inkişafında innovativ sıçrayış örnəyi
“Huaweı Watch 5” geyilə bilən cihazlarla istifadəçi arasında smart əlaqədə inqilabi dəyişikliklər təqdim edir. Bu saatda yenilənmiş “Huawei TruSense” sistemi və çoxsensorlu X-TAP texnologiyası istifadə olunur ki, bu da sensorların paylanmış arxitekturaya əsaslanaraq işləməsi sayəsində baş verir. Bu tip təkmilləşdirmələr istifadəçilərə daha dəqiq, sürətli və detallı sağlamlıq qiymətləndirmələri aparmaq üçün sadəcə barmağın ucu ilə ölçmə imkanı açır. Həmçinin “Huawei Watch 5” modelində cihazla idarəetmə üçün iki yeni jest - “İkiqat sürüşdürmə” və “İkiqat toxunma” təqdim olunur. Ənənəvi rəng palitrasına əlavə olaraq, bu model daha zərif rəngdə — yeni bənövşəyi və qum rəngində təqdim olunur və bu rənglər cihazın həm innovativ, həm də premium dizaynını vurğulayır.
Yeni flaqman cihazlar: texnologiya və üslubun vəhdəti
Tədbirdə, həmçinin “Huawei Watch FIT 4” seriyalı ağıllı saatlar, “Huaweı FreeBuds 6” qulaqlıqları və “Huaweı MatePad Pro 12.2” planşeti təqdim olundu.
“Huawei Watch FIT 4” saatları FIT seriyasının kvadrat dizayn ənənəsini qoruyaraq, “Hərəkətdə üslub” fəlsəfəsinə uyğun hazırlanıb – burada sağlam həyat tərzi və özünə qayğı ən ön plandadır. Cəmi 9.3 mm nazikliyində olan ultra-yüngül “Huaweı Watch FIT 4 Pro” peşəkar səviyyəli idman rejimləri təklif edir: kross qaçışı, 40 metrədək dərinliyə dalma və qolf, təkmilləşdirilmiş “Huaweı TruSense” sistemi ilə fiziki aktivliyin daha intellektual və kompleksli monitorinqini təmin edir.
“Huawei FreeBuds 6” – “Huawei”in ikili maqnitli ötürücülərlə təchiz olunmuş və 2.3 Mbit/s sürətli itkisiz səs ötürülməsini dəstəkləyən ilk yarı-açıq tipli qulaqlıqlarıdır. Təkmilləşdirilmiş səs-küyün aradan qaldırılması texnologiyası və zərif damla formalı dizayn sayəsində bu qulaqlıqlar zəng zamanı Kristal-təmiz səs verir və sevimli musiqilərə tam dalmağa imkan yaradır.
“Huawei MatePad Pro 12.2” 2025* planşeti Tandem OLED ekran və PaperMatte texnologiyası ilə təchiz olunub. Bu innovativ texnologiyalar sayəsində əks parıltı olmadan görüntü dəqiqliyi və parlaqlığı təmin olunur. “Huawei Glide Keyboard” klaviaturası və yenilənmiş “Bloknot” tətbiqi ilə birgə bu planşet “mobil ofis” anlayışının yeni üfüqlərini açır.
Fəallıq halqaları: aktiv həyatın hər anından zövq almağın yeni üsulu
Fitnes və idmana marağın artdığı dövrdə “Huawei” “Həyatı dolu yaşa” fəlsəfəsinə əsaslanan “Fəallıq halqaları” kampaniyasını açıq elan edir. Biləyə taxıla bilən cihazlarında 100-dən çox idman rejimini təklif edən Huawei, hər yaş və fiziki hazırlıq səviyyəsində olan istifadəçiləri sağlam və aktiv həyat tərzinə dəvət edir, bunu onların rahat və əlçatan formada etmələri üçün şərait yaradır.
IDC-nin son hesabatlarından birinə əsasən, 2024-cü ildə “Huawei” biləyə taxıla bilən cihazların tədarükü üzrə illik artım tempinə görə dünyada birinci yeri tutub və artıq altıncı ildir ki, Çin bazarında lider mövqeləri qoruyur. “Huawei”in biləyə taxıla bilən cihazları dəbli olmaqla yanaşı sağlam həyat tərzində trend yaradan cihazlar olaraq qalır və biləyə taxılan ağıllı cihazlar dünyasında yüksək stil ikonuna çevrilib.
Bölmənin digər xəbərləri
