® Pensiyaları istənilən bankomatdan komissiyasız nağdlaşdırmaq olar
Bildiyiniz kimi, dünəndən etibarən ölkədə pensiyaların verilməsinə başlanıb. Bu səbəbdən də ciddi karantin rejiminin olmasına baxmayaraq, insanlar ATM-lərin qarşısında kütləvi şəkildə toplanır. Bunun qarşısını almaq üçün “Kapital Bank”ın sosial müavinət, pensiya və kompensasiya ödənişləri alan müştəriləri üçün xüsusi şərtlər tətbiq edilir.
Belə ki, “Kapital Bank”ın ödəniş kartları ilə pensiya, müavinət, təqaüd, kompensasiya və ünvanlı dövlət sosial yardım alanlar, vəsaitlərini ərazilərinə yaxın olan istənilən bankın və ya “Azərpoçt”un bankomatlarından komissiyasız nağdılaşdıra bilərlər. Tranzaksiyalar üzrə bütün xərclər “Kapital Bank” tərəfindən ödənilir.
Bank bu addımı atmaqla filialları və bankomatların qarşısında olan növbələr azalmasına və insanların karantin rejiminin tələblərinə əməl etmələrinə kömək olacaq. “Kapital Bank”ın ölkə üzrə olan 800-dək bankomatında hər gün müvafiq dezinfeksiya işləri aparılır.
Azərbaycanda ən böyük filial şəbəkəsinə malik olan “Kapital Bank” 101 filialı və 14 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün “www.kapitalbank.az” saytına, 196 Sorğu mərkəzinə və ya bankın müxtəlif sosial şəbəkələrdə olan səhifələrinə müraciət edə bilərsiniz.
Bölmənin digər xəbərləri
