"Neftçi" Qazaxıstan, Misir və Çin klubları ilə qarşılaşacaq
Bakı, 2 yanvar, AZƏRTAC
“Neftçi”nin qış hazırlıq planı müəyyənləşib.
Klubdan AZƏRTAC-a verilən məlumata görə, komanda yanvarın 4-dən 17-dək Birləşmiş Ərəb Əmirliklərinin paytaxtı Əbu-Dabi şəhərində təlim-məşq toplanışı keçəcək.
Ayın 5-də ilk məşqə çıxacaq “ağ-qaralar” hazırlıq çərçivəsində 3 yoxlama oyunu keçirməyi planlaşdırır. “Neftçi” yanvarın 9-da “Kayrat” (Qazaxıstan), 13-də “Piramids” (Misir), 16-da isə “Çendu Ronqçenq” (Çin) klubları ilə qarşılaşacaq.
Matçların başlanma saatı ilə bağlı məlumat daha sonra veriləcək.
Bölmənin digər xəbərləri
