"Qarabağ" klubu baş məşqçi Qurban Qurbanovla müqaviləni yeniləyib
Bakı, 11 may, AZƏRTAC
Ağdamın "Qarabağ" futbol klubu baş məşqçi Qurban Qurbanovla müqaviləni yeniləyib.
AZƏRTAC klubun rəsmi saytına istinadən xəbər verir ki, yeni anlaşmaya əsasən, 50 yaşlı mütəxəssis daha 3 il Ağdam təmsilçisinin baş məşqçisi olacaq.
Qeyd edək ki, Q.Qurbanov 2008-ci ildən "Qarabağ"ın baş məşqçisidir. Mütəxəssis bu müddət ərzində komanda ilə 8 dəfə Azərbaycan çempionu olub, 4 dəfə ölkə kubokunu qazanıb. Ağdam təmsilçisi ardıcıl 8 dəfə avrokubokların qrup mərhələsinə vəsiqə qazanıb.
Bölmənin digər xəbərləri
