ABŞ dövlət katibi Azərbaycan və Ermənistan XİN rəhbərlərini danışıqlar masasına qayıtmağa çağırıb
Vaşinqton, 20 sentyabr, AZƏRTAC
Sentyabrın 19-da ABŞ dövlət katibi Antoni Blinken BMT Baş Assambleyasının 77-ci sessiyasında iştirak etmək üçün Nyu-Yorkda səfərdə olan Azərbaycanın xarici işlər naziri Ceyhun Bayramov və Ermənistanın xarici işlər naziri Ararat Mirzoyanla görüşüb.
AZƏRTAC xəbər verir ki, bu barədə Antoni Blinken özünün tviter hesabında yazıb.
“Bu gün mən Ermənistanın xarici işlər naziri Ararat Mirzoyan və Azərbaycanın xarici işlər naziri Ceyhun Bayramovla birbaşa danışıqlara ev sahibliyi etdim. Görüş zamanı bildirdiyim kimi, qoşunların ayrılması və diplomatların masa arxasına qayıtmasının vaxtı gəlib".
AZƏRTAC-ın Vaşinqton bürosu
Bölmənin digər xəbərləri
