ABŞ-IN “SÜLH KORPUSU”NUN ƏMƏKDAŞLARI ASTARADA OLMUŞLAR

31.05.2004 [13:41]
Çap et
A⁺ A^-

AZƏRTAC-ın müxbiri xəbər verir ki, ABŞ-ın “Sülh korpusu”nun bir qrup əməkdaşı Astara rayonunda olmuşdur. Şəhərdəki 1 nömrəli orta məktəbdə amerikalı qonaqlarla rayonun ümumtəhsil məktəbləri direktorlarının və ingilis dili müəllimlərinin görüşü keçirilmişdir.

Təhsil şöbəsinin müdiri Qızbəs Məmmədova görüşdə çıxış edərək, rayonun ümumtəhsil məktəblərində şagirdlərin təlim-tərbiyəsi sahəsində görülmüş işlər və qarşıda duran vəzifələr barədə qonaqlara məlumat vermişdir.

“Sülh korpusu”nun əməkdaşları görüşdə çıxış etmiş, ümumtəhsil məktəblərində ingilis dilinin tədrisi və şagirdlərdə şifahi nitqin inkişafı ilə bağlı tövsiyələrini söyləmişlər.

Sonda qonaqlar görüş iştirakçılarının suallarına cavab vermişlər.

ABŞ-IN “SÜLH KORPUSU”NUN ƏMƏKDAŞLARI ASTARADA OLMUŞLAR

MÜƏLLİFLƏ ƏLAQƏ

Bölmənin digər xəbərləri