ABŞ İspaniyaya 2,8 milyard dollar dəyərində “Patriot” sistemlərinin satışını təsdiqləyib
Bakı, 5 oktyabr, AZƏRTAC
ABŞ İspaniyaya ümumi məbləği təxminən 2,8 milyard dollar dəyərində “Patriot Configuration-3+” hava hücumundan müdafiə sistemi və avadanlıqlarının satışını təsdiqləyib.
AZƏRTAC xəbər verir ki, bu barədə ABŞ-ın Müdafiə Nazirliyi məlumat yayıb.
Qeyd edilib ki, İspaniya ilə mövcud müqavilələrin icrası üçün ABŞ Dövlət Departamentinin milli qanunvericiliyə uyğun olaraq verdiyi icazə alınıb. Amerika administrasiyası qərarları barədə artıq ABŞ Konqresini xəbərdar edib. Yeni silah müqaviləsinin həyata keçirilməsinə yekun razılıq verməli olan ABŞ qanunverici orqanının indi onu öyrənmək üçün 30 gün vaxtı var.
Nazirlik əminliyini ifadə edib ki, saziş ABŞ Silahlı Qüvvələrinin döyüş hazırlığına mənfi təsir göstərməyəcək.
Bölmənin digər xəbərləri
